Klar for Søfteland

I juli er det igjen tid for Søfteland Rock 'n' LoL, og no har arrangørane gått ut med namnet på tre av banda som skal på scenen på garden til Olav Valle 16. og 17. juli.

Sjå video frå Søfteland Rock 'n' LoL 2009

Datarock er eit av dei. Bergensbandet, som består av Fredrik Saroea og Ketil Mosnes, er inspirert av blant anna Talking Heads. Debutalbumet blei gjeve ut i 2005, med låta «Fa fa fa», som har blitt brukt i ein reklamefilm for Coca Cola. Også Apple har brukt Datarock-materiale i si marknadsføring.

Datarock skal toppa festivalen på Søfteland på tampen av laurdagskvelden.

Les artikkel og sjå fleire bilde frå Søfteland Rock 'n' LoL 2009

Bandet Ila Auto kjem også til Søfteland i år. Ila Auto er eit bluegrassband frå Oslo, som spelar bluegrass med innslag av pop og rock. I 2006 fekk bandet Spellemannsprisen i klassen country.

Det tredje bandet som er klart for festivalen i år er Norma Sass. Norma Sass er også eit Osloband. Gruppa blei stifta i 2007 og vann i fjor den årlege musikkonkurransen Zoom Urørt .

Video: Datarock, «Fa fa fa»