midtsiden

Klare for laussnøen

Etter ein dag i Myrkdalen trur Jan Frode Skeie at laussnøkøyring blir vinterens hit.

Av: Andris Hamre

Jan Frode Skeie som er marknadssjef og ein av eigarane av MX Sport-kjeda har i helga teke med seg alle ansatte i dei 7 butikkane til Myrkdalen for ski- og kunnskapstest. Midtsiden.no var med den første dagen.

- Eg trur eg tør å slå fast at laussnøkøyring kjem til å bli ein hit denne vinteren, konkluderte Jan Frode etter å ha sett dei 76 ansatte leike seg i bakken.

Ikkje berre leik
Hovudformålet for helga er at alle ansatte, øvde som uøvde, skal få teste ut flest mogleg av skia dei skal freiste å selge når kundane kjem innom i jakt på alpinski.

- Skal dei klare å gi gode råd er det viktig at dei har prøvd skia sjølv, eller at det i allefall er nokon i butikken som har gjort det, forklarar Skeie.

- Kvart ski-par blir rangert av kvar enkelt i høve til svingegenskap og oppleving av bruk. Tilsaman gjer det at vi kan laga ei eiga toppliste basert på dei ansatte sine erfaringar, seier Skeie

Totalt har han tatt med seg 70 par ski til Myrkdalen som dei ansatte skal rangere i løpet av helga.

På skulebenken
Etter endt dag i bakken bar det rett i varmestova for dei 76 skitesterane. Då var det tid for testing av kunnskapen deira.

Jan Frode og dei øvrige i leiinga hadde laga forskjellige eksamensoppgåver frå montering av binding og korleis smøre langrennski til reine teoriprøver om egenskap til dei forskjellige skia og kva ein lyt tenke på før ein legg ut på fjelltur.

- For oss er det viktig at medarbeidarane har eit minimumskunnskapsnivå. Difor køyrer vi denne testen for å sjå at dei har fått med seg det dei skal gjennom dei opplæringskveldane vi har hatt i haust, avslutter Jan Frode Skeie før han returnerar som eksamensvakt.

Fleire saker