Klare for storinnrykk
Filmfestivalen 60° Nord opnar laurdag. Fredag kom framsynaren og dei første filmskaperane på plass.
Opningsfilmane laurdag er osing Rolf Bjørø Lyssand sin "Skyggelys" og filmen om den burmesiske friheitskjemparen Aun San Suu Kyi "The Lady".
- Eg trur vi har god kontroll.
- Dei første gjestane hentar vi på Flesland i ettermiddag, så då er vi i gang etter eit års planlegging, fortel ein roleg, men dog litt stressa, Christoffer Kobbeltvedt.
Kjem med buss frå byen
Til opningsfilmen om Aun San Suu Kyi har dei invitert Kaj Grieg, ein av grunnleggjerane av Raftostiftelsen og ven av Suu Kyi sin familie til å halde ein opningsappell.
- Han kjem saman med Kaythi Aye, ei burmesisk dame som har vore med på studentopprøra der nede og som sat fengsla i 12 år.
- Dei kjem til å ha ei samtale om Suu Kyi og fridomskampen før filmen startar, fortel Kobbeltvedt.
I tillegg til dei to har omlag 40 eksil burmesarar sagt at dei vil koma og vera med på opninga av festen.
- Det tykkjer vi er utruleg kjekt og stort. Dei blir æresgjester hjå oss laurdag.
Reknar med fulle hus
Kobbeltvedt reknar med mykje folk opningsdagen.
- Vi har fått tips om at det kjem mykje folk frå byen som vil ha med seg opningsfilmen, så osingane må vera om seg.
- Frå i dag har vi folk på Oseana som sel både dagspass og vekespass.
Vinn billettar til Game of Thrones
Ein anna dag som allereie byrjar å få mye folk er torsdagen då det er noregslansering av HBO sine to storseriar Game of Thrones og Girls.
- Vi har allereie delt ut omlag 200 dagspass til torsdagen. Frå tysdag kan folk henta dei som er att i Oseana, forklarar Kobbeltvedt.
Om du vil sikra deg billettar til torsdagen kan du òg delta på konkurransa Midtsiden arrangerar i samarbeid med 60° Nord.