Klarer du få ein større?
I morgon opnar Kystsogevekene i Øyane med fiskekonkurranse, opning av kunstutstilling og open båt på nye-Røttingøy.
Kystsogevekene er i gang på Vestlandet og i Os startar kulturarrangementet som vanleg med opning i Øyane.
Open båt på Hargun har vore populært tilbod dei siste åra, i 2012 er det Røttingøy, som var ny i fjor på denne tida, som inviterer folk om bord.
Sjølve opninga av Kystsogedagane er på Vedholmen Landhandel, ved ordførar Terje Søviknes klokka 11.30.
Men så blir arrangementet spreidd over fleire øyer, med konsert og utstilling på Vedholmen Galleri (på Sundøy), open båt på Røttingøy (Gjelevika på Røttingen), og med fiskekonkurranse på fjorden.
I fjor var det Mathias Dale som fekk den største fisken, ein torsk på 2,42 kilo.
Jens Røttingen fekk mest fisk, med heile 51 kilo på stampen.
Sjå bilde av fangsten i 2011 og 2010.
Her finn du programmet for dagen.
Kystsogevekene i Os held fram med fleire arrangement, blant anna Bondens Dag og Oselvarfestivalen laurdag 25. august.