Klatra seks plassar

Bildeserie:

1 av 9

Første halvår har gått i samarbeidet mellom ungdomslaga på jentesida kombinert med seniorlaget til Os.

Nore Neset/Os 1 fekk ein tung start.

– For det første var laget nytt, med fleire spelarar som ikkje hadde vore på banen saman før, for det andre har vi eit ungt lag, med få spelarar frå elsdte jentetrinn, altså 99-årgangen, fortel trenar Frode Lundgren.

I tillegg var det gode lag Nore Neset Os møtte i dei første rundane.

A-poeng med 5. plass

Etter tap i alle dei 4 første kampane kom det seg, med tap i berre 2 av dei siste 8.

I siste runde var det likevel framleis ein sjanse for nedrykk frå 1. divisjon, då heile fire lag mister plassen. Men Nore Neset/Os hadde god kontroll på Voss og vann 3-0 på heimebane.

Dermed landa Nore Neset/Os 1 på 6. plass i 1. divisjon, a-poeng med Fana på 5. plass.

Fleire gode 13- og 14-åringar

Lundgren, som også er trenar for Os/Nore Neset J14, fortel om god match-arena for fleire jenter og småjenter etter det nye samarbeidet.

– Michelle Gassmann har blitt brukt av damelaget og fleire spelarar på J16-nivå har vandra mellom Kuventræ og Skeie, mellom førstelaget og andrelaget.

– I tillegg har vi seks J14-spelarar som har blitt brukt ein del på J16-nivå, fortel han, og ramsar opp Anna Martine Mjånes, Amanda Troøyen, Caroline Lundgren, Tuva Solberg, Michelle Beracis og 13 år gamle Vilde Veglo.

– Desse yngre talenta har i periodar fått litt stor spelebelastning, då dei også har spelt for J14-laget, som også landa på 6. plass i 1. divisjon.

Opprykk for J13

Os J13, som blir trent av Arve Sennesvik, har hatt den beste vårsesongen av jentelaga.

Jenter 13 har vunne 8 av 8 kampar med ein målforskjell på 36-8 og rykker opp til 1. divisjon.

Os/Nore Neset 2 J16 spelte i 3. divisjon, der dei fekk ein god start, men ein tøff slutt. I tillegg har Nore Neset/Os eit juniorlag som speler 7-arfotball. Dei vann alle kampane sine bortsett frå dei to siste og landa på 3. plass.