Knabba kransen
- Eg har nulltoleranse for hærverk, seier Olaug Gausvik.


- Det var den siste vi hadde igjen. Kundar har spurt om å få kjøpa den, men den var spesiell, kvit og med LED-lys, så ville ha den på butikkdøra, seier Olaug gausvik frå GH Interiør.
Tidlegare i veka jobba ho i butikken til klokka 1.15 natt til tysdag. Då dei opna butikken morgonen etter var julekransen vekke.
- Når vi prøver å skapa julestemning i sentrum er det irriterande at nokon kjem å øydelegg på denne måten. Eg kan ikkje forstå kven som er oppe på denne tida av døgnet heller, bortsett frå meg sjølv, seier Olaug og ler litt.
Men ho meiner samstundes alvor.
- Det er meldt til politiet. Ikkje fordi eg trur dei finn syndaren, men for at dei skal få registrera det. Eg har nulltoleranse for hærverk, seier ho.
Kransen går på straum og ledningen var klippa av, så kransen får nok ikkje tjuvane brukt denne jula.
- Om tjuvane vil ha ledningen og trafoen får dei berre koma innom, dei kan få den gratis, lokkar ho, tydeleg klar for å setja klørne i syndaren.