Knivar, peparspray og amfetamin

Natta for Os-politiet starta med ein trafikk-kontroll i Storestraumen. Her vart 23 bilar sjekka, utan at det vart reagert på noko.

Litt før klokka tre i natt vart ein bil stoppa i Os nord. I bilen vart det funnen ein peparspray av det ulovlege slaget. På grunnlag av funnet, vart det oppretta sak på ein mann i 20-åra.

I halv fire-tida traff politipatruljen på to menn i i midten av 20-åra - dette òg i området Os nord.

Begge bar kniv, og det vart funnen amfetamin på den eine mannen. Politiet melder at det vart gjennomført avhøyr på staden, og sak vert oppretta på grunnlag av funna.