Knuste seg inn i hus på Gåssand
Politiet ber om tips etter innbrot og tjuveri frå bustad på dagtid tysdag.
Tysdag klokka 16.30 fekk politiet melding om innbrot i ein bustad på Gåssand.
– Dei har knust ei terrassedør ved å kasta stein gjennom ruta, fortel politioverbetjent Audun Hadler-Olsen om korleis dei kom seg inn i huset.
Det skal ha vore romstert mykje rundt i bustaden.
– Fleire ting er sakna, men vi har ikkje full oversikt og vil førebels ikkje gå ut med kva som er stole.
Ber om tips
Innbrotet har skjedd ein gong mellom klokka 7.30 og 16.30 tysdag 17. januar.
Om du har informasjon som kan vera til hjelp i etterforskinga når du politiet på 02800.
– Vi håper nokon har observert noko, det kan vera ein framand bil på veg inn eller ut Gåssandvegen, eller andre detaljar som kan vera til hjelp.