Bilen hamna utfor vegen og ned ein skråning. (Lesarbilde, tips@midtsiden.no)
Bilen hamna utfor vegen og ned ein skråning. (Lesarbilde, tips@midtsiden.no)

Kø etter utforkøyring på Søfteland

Bil hamna i grøfta på E39.

Kjetil Vasby Bruarøy
26. oktober 2020 - 22:03

Politi, ambulanse og brannvesen rykte i kveld ut til Søfteland etter melding om ei trafikkulykke.

– Det er éin bil involvert, skadeomfang er ukjent, fortalte Vest politidistrikt via Twitter klokka 21.24.

Framme på staden fann dei ein bil i ein skråning utanfor E39 Byvegen.

– Bilførar er oppegåande og framstår som berre lettare skadd.

Vedkomande var åleine i bilen og blir undersøkt av ambulansepersonell på staden.

OPPDATERT: Politiet mistenker køyring i påverka tilstand. Bilførar, ein mann i slutten av 20-åra, er frakta til sjukehus. Vedkomande er frå ein annan kommune enn Bjørnafjorden.

Kø forbi planteskulen. (Lesarbilde, tips@midtsiden.no)
Kø forbi planteskulen. (Lesarbilde, tips@midtsiden.no)

Den første meldinga kom klokka 21.21. Det er i skrivande stund framleis dirigering påstaden, med kø mellom Gåsakilen og Søfteland barneskule.

Ein innringar som står i kø klokka 22.14 fortel at trafikken no står heilt i ro i begge retningar. Det kan vera eit teikn på at bergingsbil er på staden, og at vegen snart opnar, men dette er ikkje stadfesta.

– Det er ei stund sidan bergingsbil var på veg til staden, og det kan tenkast at full stopp er eit teikn på at den no er der. Men vi er på retrett med vårt mannskap, så det kan eg ikkje stadfesta sikkert, seier Espen Storum frå Bjørnafjorden brann og redning.

OPPDATERT: Vegen skal ha opna rundt klokka 22.40.

Bilberging ved Bergstø. (Lesarbilde, foto: Anved Fredriksen)
Bilberging ved Bergstø. (Lesarbilde, foto: Anved Fredriksen)

 

Les meir om

Lokal Politi