Koht og Trond Viggo kjem
Etter ein omfangsrik og variert haust tydar dei første dryppa på at det blir ein spennande vinter og vår på Oseana.

Før jul kjem Marit Voldsæter med to utselde framsyningar, Bjørn Eidsvåg med to framsyningar kor det berre er få billettar att i den eine framsyninga. Tidligare i haust har både Ole Ivars, Filharmonien og Orbo vitja huset. No byrjar programmet etter jul og fram mot somaren å ta plass.
- I løpet av november reknar eg med at vi kan ha ei lansering av vårprogrammet, seier arrangementssjef Berit Steen.
Tenke sjæl
Men allereie no røpar ho nokre smakebitar av kva vi kan venta oss.
- Trond Viggo Torgersen kjem med framsyninga «Tenke sjæl», ei blanding av eit foredrag og sang, fortel Steen.
«Tenke sjæl» handlar om å trivast med den man er, og ikkje streve med å bli noko andre vil at du skal vera. Trond Viggo formidlar bodskapet på muntert og underfundig vis gjennom dei kjente sangane og små anekdotar.
Ikke eit sete var tørt...
Christine Koht er kanskje ei av dei fremste kvinnelege programskaperane i seinare tid. Samstundes som ho har utvikla TV-program som Koth vs Diva og Koth i familien har ho reist land og strand rundt med det suksessrike showet «Koth på scenen».
- Christine har mellom anna spelt i Fana kulturhus tidligare.
- Rapportane fortel at spesielt damene har fått ein god latter. Nesten ikkje eit sete skal har vore tørt etter at Koht har halde på, fortel Steen.
Festspel-laurdag
Laurdag 26. mai kjem festspela til Oseana med fleire forskjellige konsertar og arrangement.
- Det blir kjempekjekt og ein fantastisk dag.
- Før det kjem mellomanna Ung symfoni med solistkonsert, Riksteateret og Dylan på nynorsk, fortel Steen om den meir klasiske delen av programmet som er klart sålangt.
Jobbar med store namn
Steen fortel at heile programmet for våren ikkje er spikra enno.
- Vi ønskjer å ha eit like variert program som vi har hatt i haust og jobbar framleis med eindel store namn.
- I slutten av månaden håper vi å starta billettsalet og kunne lansera fleire nyhende, avsluttar arrangementssjef Berit Steen.