Kolliderte i NM

Ein bergensar (18) frå Os Aero Klubb kolliderte i dag med ein svenske (60). Begge hoppa ut i fallskjerm og kom uskadd frå uhellet.

Kjetil Vasby Bruarøysøndag 31. mai 2009 21:12

To seglfly kolliderte i lufta under NM i Elverum i dag. Begge pilotane hoppa ut i fallskjerm og kom frå uhellet utan alvorlege skadar.

-28 fly var i luften då to av dei kom borti kvarandre. Begge pilotene hoppa ut i fallskjerm, seier operasjonsleiar i Hedmark politidistrikt, Henning Olsen, til bt.no.

Den eine piloten er ein 18 år gamal bergensar som er medlem i Os Aero Klubb.

- Trass i at han berre er 18 år er han ein veldig erfaren pilot. Han følgde alle prosedyrar og hadde full kontroll. Slike situasjonar har vi tørrtrent på, så det er ingen sensasjon at det endte bra, seier pressetalsmann ved Os Aero Klubb, Tore Øvreeide til Bergens Tidende.

Det skal vera første gong ei slik ulykke skjer i Noreg.