Fanafjellet klokka 15.36 i dag. To bilar skal ha kollidert ved Ramberget. (Lesarbilde, tips@midtsiden.no)

Kollisjon på Fanafjellet

Ifølgje politiet er det full stopp i begge retningar på Fanafjellsvegen.

Av: Kjetil Vasby Bruarøy

Tysdag klokka 15.36 fekk Midtsiden tips om kø opp Fanafjellet frå by-sida.

Klokka 15.38 melder politiet om kollisjon på Fanafjellsvegen.

– Nødetatane er på veg. Det er full stopp begge vegar, skriv politiet på Twitter.

Kollisjonen skal ha skjedd nær Ramberget på Fanafjellet. Det er uvisst om nokon er skadd.

OPPDATERT: Fire personar skal vera involvert, alle blir omtalt som «oppegåande». Tre av dei blei frakta til legevakta for ein sjekk.