Lokal | 19. mai 2009
Kollisjon på Hetleflåten
To personar er frakta til sjukehus etter ei påkjørsle bakfrå på Hetleflåten tysdag morgon.


Kjetil Vasby Bruarøytysdag 19. mai 2009 09:12
Rundt klokka 08.30 kjørte ein BMW i hekken på ein VW på Hetleflåten. Bilane kjørte i retning Os då ulykka skjedde.
Då midtsiden.no kom til staden sto ei gruppe som truleg har vore passasjerar utanfor bilane og snakka med ein lege, medan føraren av den fremste bilen fekk hjelp av ambulansepersonell.
- To personar blei frakta til sjukehus. Begge sat i bilen som blei påkjørt, opplyser politiet.
Det var plass til trafikk forbi ulykkesstaden, men brannvesenet sperra vegen ein liten periode medan hjelpearbeidet sto på.
Trafikken skal no gå fint forbi Hetleflåten.