midtsiden

Kom ikkje til finalen

Icebella og Sindre klarte berre nesten å sikra seg ein av dei sju plassane i VM-finalen i bugg.

Av: Kjetil Vasby Bruarøy

Iceabella Johansen (25) og Sindre Spilde (26) frå Os Swingklubb deltok i helga i VM i bugg i den svenske byen Eksjø.

- Nivået var høgt, og vi har nok lit meir øving framfor oss for å fortena plass på pallen. Men vi burde klart å koma til finale, meiner Iceabella.

Sju av dei 18 laga som deltok kom til finale, blant dei to norske, men ikkje paret frå Os.

- Vi hamna på 9. plass. Vi har dansa betre før, men var veldig nøgde med siste runde så vi er litt skuffa over at vi ikkje nådde litt lengre opp.

NM neste
Tre svenske par tok dei tre øverste plassane i VM på heimebane.

- Det blei ein lang dag, med første runde klokka 9 om morgonen og premieutdeling klokka 23 om kvelden.

For Iceabella og Sindre er NM i swing i november neste utfordring. Då har dei med seg fleire frå Os Swingklubb, og sjølv stiller dei som tittelforsvararar i folkeswing.

- Vi deltar i både folkeswing og bugg i NM, og har sjølvsagt planar om å ta gull i år òg, seier Iceabella.

Fleire saker