Kultur | 22. okt. 2009

Konsertmaraton på AMFI

Frå klokka 18 i kveld blir det konsertar kvar halvtime med stjernene i Lissi Tunes.

Konsertmaraton på AMFI
Kjetil Vasby Bruarøy
Kjetil Vasby Bruarøytorsdag 22. okt. 2009 11:28

Den lokale Dissimilis-gruppa Lissi Tunes er oppkalt etter ikkje berre Dizzie Tunes, men Lissi Kuhnle, grunneigaren som i si tid gav Kuhnleområdet til fylke og kommune. Her øver 40 artistar i ulike grupper, og torsdag kveld skal fleire av dei opptre kvar halve time under "Prisfestdager" på AMFI Os.

- Vi har seks ulike grupper, frå musikkterapi og dansegruppe til trekkspelgruppe og ulike band. Nokre av artistane er med i fleire grupper, og fem av seks grupper skal halda konsert og show i kveld, fortel Rita Undheim frå Os kommune.

Kitty Sunshine
På repertoaret står blant anna "Slapp Raggae", "Da do run run" og "Blowin in the Wind".

- Og så har vi sjølvsagt "You are my Sunshine" med Kitty, forsikrar Rita.

Første konsert er klokka 18, siste gruppe går på scenen i senteret klokka 20.

Vil fylla turkassen
I år har Lissi Tunes hatt konsert i Fjellheim i mars, vore på Fyrfestivalen i Egersund i juni, helga etter på Dissimilis-festival og fleire av artistane har vore på gruppetur til Kypros.

- På Kypros var vi saman med grupper frå andre kommunar. Her hadde vi musikkverkstad, som det blei fleire gode og enkelte overraskande show av.

Med små midlar og tips frå Dissimilis-organisasjonen driv leiarane eit godt arbeid med brukargruppa. På slike turar får leiarane frå Os spørsmål om grupper frå nabokommunar kan koma til Os og vera med på undervisingsopplegget.

- Turane og konsertane er viktige høgdepunkt for artistane, så medan vi er på AMFI Os i kveld kjem vi til å selja lodd som tiltak for å fylla turkassen, seier Rita Undheim.



Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.