Sport | 25. aug. 2018

– Kontrollert siger

Kaptein Mikkelsen er imponert over dei yngste lagkameratane sine. I går fekk nok ein ungdom debutera.

– Kontrollert siger
Øystein Takle Eide og Rafael Villén (bakgrunnen) skåra kvar sine mål i gårsdagens 3-0-siger. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 25. aug. 2018 08:07

Serieleiar Os vann 3-0 over Vestsiden Askøy (7. plass) i 14. serierunde fredag kveld.

Øystein Takle Eide, som kom seg åleine med keeper 2-3 gongar på tampen av bortekampen mot Lyngbø førre fredag, gav Os leiinga allereie i 7. minutt.

– Mats Cato fekk ball i bakrom, men kom skrått på keeper og sendte ballen til meg. Det blei retur av skotet mitt, og der var heldigvis Øystein, seier kaptein Marius Mikkelsen.

Skeie blei dagens Os-spelar

Mikkelsen auka sjølv til 2-0 i 25. minutt, ei skåring han ikkje tar mykje ære for.

– Vegard la ballen til rette utanfor 16-meteren og fyrte av. Ballen gjekk via meg og i mål.

Vegard Strønen Skeie blei kåra til dagens Os-spelar.

– Eg synest både han og Harry (Moore) er veldig solide, både i kampen i går og elles, seier kapteinen om dei to 18-åringane som speler mest for A-laget.

Trym Hjørnevik debuterte

I går fekk også Trym Hjørnevik debuten sin. Han kom inn for Torkel Hjertnes på høgre back.

– Trym klarte seg veldig bra! Det er kjekt å sjå kor mange flinke ungdomar som er på veg opp i nivå.

3-0 kom i 75. minutt. Rafael «luftens baron» Villén heada ballen i mål på første stolpe.

– Det var litt rotete i periodar av andre omgang, men vi hadde god kontroll. Vi skapte òg ein del sjansar, blant anna då Endre fekk ei skåring annulert for tidleg innløp på ein dødball.

Os - Vestsiden Askøy 3-0 (2-0)
Målskårarar: Øystein Takle Eide (7.), Marius Mikkelsen (25.) og Rafael Villén (75.)
Os: Chris Sunde Midtun - Torkel Hjertnes, Endre Brenne, Vegard Strønen Skeie, Harry James Moore - Rafael Villén, Alexander Dale - Frode Storebø, Øystein Takle Eide, Mats Cato Moldskred og Marius Mikkelsen.
Innbytarar med speletid (alle utanom Kasper Færøvik): Trym Hjørnevik, Anders Havsgård, Håkon Kvittingen, Sander Kvittingen, Erik Kanestrøm og Martin Eidsvik

Neste kamp er òg på heimebane, den går mot Loddefjord (6. plass) laurdag 1. september.

Same dag er det Barnas Dag, eit gratisarrangement med mange aktivitetar og servering av frukt og mat to timar før kamp, og fri entré til kampen. Næringslivet i Os sponsar med ulike kronebeløp per tilskodar, som altså kjem gratis inn denne dagen.

Terminliste og tabell

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.