Koronaviruset: Ingen er konstatert smitta, men fem i kommunen er testa

Bjørnafjorden kommune opplyser på sine heimesider i dag at fem personar i kommunen er testa for koronaviruset.

Alle dei fem er testa grunna heimkomst frå reise i omrdåe med vedvarande spreiing av viruset.

Alle er testa i heimen sin, og er isolerte i heimen saman med andre i husstanden.

Det er førebels ikkje påvist smitta personar i Bjørnafjorden kommune. Resultat av prøven av desse fem er venta innan éin til to dagar.

OPPDATERT torsdag ettermiddag: Ingen av dei fem var smitta.