Kortreist mat i Oseana

Oseana har valt samarbeidspartnar i restauranten. Valet falt på fire unge herrar som saman driv Smakverket i Bergen med kaféen på Bergen Kunstmuseum og Cafè Albatross på Fana Golfklubb.

- Dei har fått det til i Bergen. No gler vi oss over at dei vil satsa på Os, seier ein nøgd Kim Kristoffersen.

På førmiddagen vil Osana ha kafémeny mellom 11.00 og 16.00. Når ettermiddagen og kvelden sig på gjer ein om lokala til restaurant med a-la-carte meny og servering fram til 22.30.

Maten vil vera eigenprodusert, fersk og sesongbasert. I tillegg til til restaurantdrift vil dei og driva catering ved større og mindre arrangement.

Forpliktar for osingane

I tillegg til kafé og restaurant vil herrane bak Smakverket arrangera matkurs for både små og store. Ein vil òg kunna leige lokala til bryllup, konfirmasjonar, julebord og anna.

- No håper eg verkelig osingane kjenner si besøkelsestid og tek tilbodet aktivt i bruk, seier Kristoffersen som heilt sidan han tok over som direktør for Oseana har fått høyra at Os berre har pizza å by på.

- Eg kan garantera at her skal gjestane få ei heilt anna smaksoppleving, seier direktøren.

Årets spisestad

Kafeen dei driv ved Bergen Kunstmuseeum blei i februar 2010 kåra til årets spisestad foran Banken (Banco Rotto) og Søtt+Salt av magasinet Dag & Natt.

Smaksverket skal òg opna Bergen Kjøtt i Skuteviken i løpet av 2011.

Barista og Nordnorsk meister

Dei fire herrane bak Smakverket har eit breitt erfaringsgrunnlag for drifta ved Oseana.

Sverre Angus Husøy er kokk og kjøkkensjef med allsidig erfaring frå restauranter og hoteller i inn- og utland. Han blei i 2006 kåra til Nord Norsk meister og fekk sølv som Årets grøne kokk i 2009.

Olav H.W. Egeberg er Barista ("kaffekokk") og gründer i Smakverket. Han har mellomanna jobba ved Baroniet i Rosendal kor egenproduksjon av urter og grønnsakar står sentralt. I tillegg er kunst, interiør og design ein lidenskap for Olav.

Steffen Færø er kjøkkensjef henta frå Potetkjelleren. Han er ein kokk med forkjærligheit for "fine dining" og erfaring frå store cateringarrangement. Steffen var kjøkkensjef då Smitt og Smule blei kåra til Årets Spisestad i 2007.

Bjørn E. Mogenstad har bakgrunn som kokk. Han etablerte Gourmet-partner i 1997 og er mellomanna Matfagleg konsulent ved Institute of Culinary Art i Tyskland. Han har og vore prosjektleiar innan produksjon og logistikk for Haukeland sjukehus og Forsvaret.