Køyrde feil bil
Ein bil med to mopedbilar på hengaren blei stoppa på Halhjem tysdag. Bilførar hadde lappen, men berre på moped.

I ti-tida tysdag formiddag fekk lensmannskontoret melding frå Sandvikvåg at ein bil med to bilar på hengaren hadde køyrd ombord i ferja. Bilen skulle ha køyrd vinglete før ombordkøyringa.
- Vi rykte ut til Halhjem og kontrollerte bilen då dei køyrde i land.
- Det var to personar i bilen. Føraren hadde mopedførarbevis, medan passasjeren, som eigde bilen ikkje hadde førarkort i det hele tatt, fortel politibetjent Rune Fimreite.
Begge anmeldt
Begge vil bli anmeldt. Den eine for å køyra utan gyldig førarkort, den andre for å låne bort bilen til ein utan førarkort.
- Lasta i seg sjølv var forsåvidt grei nok. På hengjaren sto to mopedbilar som veg så lite at dei holdt seg innanfor vektgrensa.
- Men uansett krev lova at føraren skal ha førarkort klasse BE, noko han naturleg nok ikkje hadde i og med at han kun hadde mopedførarbevis.
Skulle dei ha kome seg lovleg vidare burde nok bilføraren i staden køyrd det han hadde på hengaren.