Lokal | 30. mai 2018

Køyrde frå Os til Bergen i rus

Ein ung mann er dømd til fengsel etter å ha køyrd i narkorus frå Os til Bergen.

Køyrde frå Os til Bergen i rus
Mannen blei dømd til fengsel i 21 dagar og ei bot på 7.500 kroner (ill.foto: KVB)
Andris Hamreonsdag 30. mai 2018 07:46

I november i fjor haust køyrde ein ung mann, busett i Os, frå heimstaden til Bergen sentrum påvirka av hasj, amfetamin og klonazepam.

Då saka kom opp i Bergen Tingrett tidlegare denne månaden gav mannen ei atterhaldlaus tilståing, noko som blei styrka av dei øvrige opplysningane i saka.

Tilsvarte 1,2 i promille

Rettens sakkyndige har vurdert at narkorusen tilsvarte minst 1,2 i promille.

– På bakgrunn av dei moment som er gjennomgått vil eg ved bruk av mitt beste sakkyndige skjønn konkludere med at sikta med all sannsynlegheit var påvirka tilsvarande ei promille høgre enn 1,2 ved den aktuelle køyringa, heiter det i dommen.

Køyring med ein slik påvirkingsgrad skal som hovudregel straffast med bot og ubetinga fengsel.

Vurderte samfunnstraff

I skjerpande retning la retten vekt på at sikta køyrde ein lengre strekning, frå Os til Bergen. I formildande retning la retten vekt på tilståinga og at han hadde samtykka til tilståingsdom.

– Retten har vurdert bruk av samfunnstraff, men kome til at dette ikkje kan anvendast. Sikta er ung, og ikkje tidlegare straffa, men retten legg til grunn at han ikkje er i ein rehabiliteringssituasjon som tilseier bruk av samfunnstraff, skriv dommaren, som konkluderer med at fengsel i 21 dagar, i tråd med påtalemynde sitt forslag, er rett straff.

I tillegg blir han idømt ei bot på 7.500 kroner og tap av førarretten i to år.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.