Køyrde i fjellveggen

Måndag morgon klokka 07.11 fekk politiet melding om eit trafikk uhell på Hatvikvegen like ovenfor Haugsneset.

– Bilen skal ha kome ut av køyrebanen og blitt skrapa opp på sida av fjellveggen som er ved siden av vegen der, fortel politioverbetjent Audun Hadler-Olsen.

Det skal ha vore mindre skader på bilen, som blei taua vekk. Det oppsto nokre trafikale problem slik at trafikken blei manuelt dirigert forbi staden.

Ikkje personskade

Føraren av bilen blei tatt med til legevakta for ein sjekk.

– Det er ikkje meldt om personskade, men føraren blei likevel tatt med til legevakta for ein sjekk. Vi har ei patrulje der no for å ta ein prat med mannen, avsluttar Hadler-Olsen.