Køyrde seg fast, punkterte, fekk bot
Sperra vegen i nesten 8 timar: Ein polsk trailersjåfør møtte motgang på Ole Bulls veg.
Torsdag ettermiddag fekk Midtsiden melding om stengt Ole Bulls veg grunna fastkøyrd trailer.
Vi delte meldinga via Facebook.com/Midtsiden.
Det viser seg at dette hadde vore ein lang dag med stengt veg.
– Vegen var stengt og delvis stengt frå rundt klokka 11.30 til 19.30, fortel politioverbetjent Atle Birkeland.
Punkterte på to hjul
Traileren som hadde køyrd seg fast, hadde i tillegg punktert på to hjul, og kom seg ikkje vidare.
Politiet var på staden i starten, seinare var Viking på plass. Nye hjul blei frakta frå Kokstad til Lysefjorden for å få traileren vekk.
Både bil og førar er frå Polen. Han fekk forelegg for å trassa forbodet mot køyretøy lengre enn 8 meter.
Forelegget var på 5.500 kroner. Førar vedtok bota.
Vanleg problem
Fleire gongar tidlegare i haust har trailer og bussar køyrd seg fast på vegen, som i periodar òg er stengt grunna rasfare.
Også i februar i år var det ein tungbilsjåfør som fekk 5.500 kroner i bot for å køyra Ole Bulls veg.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.