Køyrde til Lagunen i hasjrus
To menn frå Os er denne veka dømt for køyring i påverka tilstand.
To menn frå Os, begge i 20-åra, er denne veka dømt for køyring i rus.
Den eine blei tatt med promille i Hardanger, etter ein køyretur på over 30 kilometer, ein søndag morgon i juli.
Blodprøve tatt same morgon viste at han hadde promille på 1,6. Bilen han køyrde var utan gyldig forsikring.
Sikta møtte i retten og tilsto. Han blei dømt til 24 dagar fengsel utan vilkår, til 57.000 kroner i bot og til tap av førarretten i 2 år.
To gongar i narkorus
Den andre blei tatt i Os etter ein køyretur til Lagunen ein torsdagskveld i februar.
Då var han påverka av både hasj og amfetamin.
Ein onsdag formiddag i juli blei han tatt igjen, denne gong køyrde han utan førarkort, og i hasjrus.
Rusen tilsvarte 0,5 til 0,8 i promille, noko som normalt gir rundt 12 månadar tap av førarretten. Då sikta hadde seks aktive prikkar på førarkortet, blei tapsperioden forlenga.
Sikta blei dømt til 15 dagar fengsel på vilkår, 14.000 kroner i bot og tap av førarretten i 17 månadar.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.