Køyrde utfor vegen og gjennom gjerde
Ein bil var nær på å hamna i ei lita elv i dag.
Fredag klokka 16 blei det oppdaga at ein bil har køyrd eit godt stykke utfor vegen på Skeie.
Utforkøyringa har skjedd i ein bakke nær krysset mellom Skeisleira og Skeisflaten. Bilen har køyrd utfor vegen, gjennom eit gjerde og nesten ned til Døsjaelva. Det var svært glatt på staden.
– Eg bur i nærleiken, og oppdaga bilen på veg heim, seier vitnet.
– Svingte unna møtande bil
Ho sprang ned til bilen, men der var ingen personar.
Neste forbipasserande sjekka motoren, som allereie var kald.
– Vi veit ikkje kor tid det skjedde, men eg la ikkje merke til bilen då eg i 14-tida reise heimefrå. Nærmaste nabo hadde heller ikkje høyrd eller lagt merke til utforkøyringa.
OPPDATERT:
Midtsiden har no snakka med ein som observerte uhellet - og med bilførar.
– Uhellet skjedde klokka 14.50. Eg køyrde rett bak han. Det er veldig glatt på staden, og han starta å segla. Det kom ein bil imot, og det såg ut som om han bevisst køyrde i grøfta for å unngå frontkollisjon. Bilførar var åleine i bilen og kom uskadd frå det, seier vitnet.
Bilførar stadfestar at det var eit val han tok, då ein bil kom i mot mens bilen ikkje hadde feste.
– Eg er overraska over kor glatt det var, og kor langt eg segla ned bakkane utanfor vegen, bilen stoppa ikkje før eg kom til nokre tre.
– Der og då tenkte eg at bilen i alle fall ikkje sto i vegen for nokon, men eg ser i etterkant at eg burde sagt ifrå til politiet. No har eg snakka med både dei og han som eig gjerdet, og bilen er taua opp igjen og frakta til verkstad.
Det har vore minst seks utforkøyringar i Os etter at snøen kom laurdag kveld.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.