Kva bør du eta etter trening?

Fysioterapeut og personleg trenar (PT) Torill Bakke er fast Midtsiden-spaltist, og kjem i starten på kvar månad med gode råd innan trening og ernæring.

• Førre artikkel: Fem gode mageøvingar

For å oppnå eit best mulig resulatat av treninga di er maten du et viktig. Treninga bryt ned kroppen din og tømmer energilagra dine. Å eta smart etter trening bidrar til optimal restitusjon og gode treningsresultat.

Ei hard treningsøkt tappar energilagra til kroppen. Med eit gjennomtenkt og godt kosthald vil du bygga desse godt opp igjen i etterkant.

Kva skal du eta etter trening og kor kjapt etter treninga er det viktig at dette måltidet blir inntatt?

Dersom du trener dagleg, eller har opptil fleire økter for dagen, bør du eta både karbohydratar og protein innan 30 minutt etter endt trening, for raskast mogleg å bygga kroppen godt opp igjen til neste økt.

Her er eksempel på gode, små måltid rett etter trening:
• Smoothies med yoghurt, frukt og bær
• Sjokolademelk
• Eit glas melk og ein banan
• Fruktsalat med yoghurt, eller vaniljekesam
• Brødskive med proteinrikt pålegg som skinke og ost
• Banan og rosiner
• Muslibarer, energibarer og restitusjonsbarer

Kor mykje mat kroppen din treng avhenger av kroppsvekt, kroppssammensetning og målet ditt for treninga. Ønsker du å gå opp, eller ned i vekt?

For ein vanlig mosjonist som trenar sine 2-4 regelmessige økter i veka vil eit fullverdig måltid innan to timar etter endt treninga vera godt nok.

Eit fullverdig måltid består av både karbohydratar, protein og feitt frå eit vanlig samansett måltid. Her er det ordinære måltid som til dømes brødmat, omelett og middag som gjeld. Protein bidrar til gjenoppbygging av muskelmassen mens karbohydratane gjer deg energi til å gjennomføra treninga. Karbohydrater etter ei treningsøkt bidrar til at nedbrytinga av musklane stopper opp og kroppen kan begynne å bygga seg opp igjen.

Regelmessig innsats over tid i trening og eit godt kosthald i kombinasjon med nok restitusjon mellom slaga danner et strålande grunnlag for gode treningsresultat.

Lykke til!

Torill Bakke
Fysioterapeut, personleg trenar og kosthaldsvegleiar
@torillbakke