– Kva gjer du her?
Trailer køyrde feil i Industrivegen, fekk problemer ved barnehagen.
Onsdag morgon fekk foreldra som skulle levera ungane i Ulvenvatnet barnehage ein liten omveg.
Nedst i krysset mot barnehagen, der gangvegen går frå Kuventræ over mot Os vgs, sto ein diger trailer på tvers.
- Det spørs om han har køyrd på GPS eller ikkje har visst heilt kor han skulle.
- Dei som jobbar i barnehagen hadde i alle fall ikkje fått noko leveranse, fortel Midtsiden-lesaren som har sendt oss bilde.
Traileren sto på tvers og kom verken framover eller bakover.
- Han må nok slita litt for å koma seg laus. Då eg hadde levert ungane var det ein heller stressa trailersjåfør som dreiv å la på kjettingar på hjula, fortel lesaren.
Politiet hadde ikkje fått melding om traileren då vi snakka med dei onsdag morgon.