Næringsliv | 18. des. 2009

Kva med Kiwi?

Norgesgruppen hadde håpa på å opna ny Kiwi-butikk på Os før jul i år. Førebels har ikkje arbeidet på tomta starta.

Kva med Kiwi?
Kjetil Vasby Bruarøy
Kjetil Vasby Bruarøyfredag 18. des. 2009 11:28

I mars fekk Norgesgruppen godkjent utvida utnyttingsgrad av tomta på Moberg, frå 500 til 1000 kvadratmeter. Då sa Arvid Berentsen i Norgesgruppen at dei håpa på å opna ny Kiwi-butikk på tomta før jul i år.

Men det har ikkje skjedd noko på tomta til no, og i mellomtida har Bunnpris kjøpt ei tomt i Solbakken, der dei vil bygga ein om lag like stor daglegvarebutikk.

- Det har tatt litt tid å få alle løyver på plass, men no er rammesøknad godkjent og vi er meir eller mindre klar for byggestart, seier regionsdirektør i Norgesgruppen, Edvin Nilsson til Midtsiden.no.

Han fortel om byggestart på nyåret, men datoen er førebels ikkje bestemt.

- Men vi har som mål at butikken skal opna i løpet av 2010.

Bryr seg ikkje om Bunnpris
Både den planlagte Kiwi-butikken og Bunnpris, som kan koma i Solbakken, ligg nær dei store bustadområda i Kuvågen og Kuhnle.

Men Norgesgruppen endrar ikkje planane sine for Kiwi sjølv om det ser ut som om dei får ein konkurrent i nabolaget.

- Vi bryr oss ikkje om kva andre gjer på Moberg. Kiwi har god utvikling og betre vekst enn snittet i bransjen. Det gjeld også Kiwi-butikken vi allereie har i Os, på Haugsneset. Å få nok ein Kiwi-butikk i Os trur eg blir bra for begge, dei vil styrka kvarandre, seier Nilsson.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.