– Kva vil politikarane?

Reguleringsplanen for Sollia seier at området skal bestå av frittliggande einebustader.

– Difor kom det litt som eit sjokk då vi fekk varsel om at utbyggar planla 7 husvære på nabotomta.

– Husbanken si fortolking av frittliggande einebustader seier at det i praksis skal vera minimum åtte meter mellom kvart hus, her er det maks to, seier Anne Lyssand og Gro Øvredal, to av naboane som reagerar.

Krev forutsigbarheit

Noko av det dei reagerar på, og som dei no vil utfordra politikarane i plan- og bygningsutvalet på, er mangel på forutsigbarheit om dei tillett dei omsøkte planane.

– Vi kjøpte hus her med den forventninga at dette skulle vera eit område med frittliggande einebustader slik som husbanken definerar det.

– Om politikarane tillet ei fortetting som dette, så seier dei samstundes at det er kapitalen som rår og ikkje omsynet til dei som allereie bur i eit område.

– Dei seier òg at reguleringsplanane ikkje er så mykje å bry seg om. Det er berre å søka dispensasjon.

Tek livsgnisten

– Er det slik vi vil ha det i Os, spør Lyssand retorisk og får støtte frå Nelly Øvredal, som har budd i det opprinnelege gardshuset eigedommen er skilt ut frå, i heile sitt liv.

– Det er her eg har livsverket mitt og her eg skulle bu til eg døyr.

– Om politikarane tillet denne utbygginga veit eg ikkje om eg orkar det. Då tek dei livsgnisten frå meg, sukkar Nelly Øvredal.

Vegen for smal

Lyssand og Øvredal er opptekne av at ei eventuell utbygging skjer skjer i tråd med reguleringsplanen.

– Tre frittliggande einebustader er det som egnar seg på den tomta. Det har ikkje vi noko i mot.

– I tillegg må vegen gå der den er regulert inn.

– Den vegen som no er teikna inn er bygd for 60 år sidan, er smal og ikkje eigna før auka trafikk.

– Den toler det rett og slett ikkje.

– Dessuten er det uaktuelt for oss som bur her å avgje delar av hagane våre for å utvida vegen slik at utbyggar skal, påpeiker Øvredal.