Kvalikrunden som snødde vekk

I januar blei det klart at Os skal spela første av to kvalifiseringskampar til årets NM borte mot Stord.

Stord si store mengde nettkjenningar i serieavsluttinga sendte Os ned til 4. divisjon, no får Os sjanse til å ta revansje.

Men først må kampen starta.

Måtte snu på Stord

Os sin stall med støtteapparat hadde kome seg over med ferja før dei onsdag kveld fekk beskjed om at kampen blei utsett grunna store mengder snø.

Mens bilane segla i grøfta heime i Osbygda måtte dei gule og svarte køyra til Sandvikvåg igjen for retur til Halhjem.

Det var dei ikkje åleine om, Varegg, som var på veg for å spela mot Trott, hadde akkurat kome i land då meldinga om kvite banar kom.

Speler på søndag

Dei einaste kampane som blei gjennomført i vårt område onsdag var Odda-Øystese 0-1 (etter ekstraomgangar).

NHH-Lyngbø 3-4 blei spelt tysdag og Nordhordland-Vik 5-1 søndag.

Ny dato for Stord-Os har kome, kampen blir spelt søndag klokka 18.00.

Torsdag kveld kom desse resultata:
Gneist – Loddefjord 5-1
Tertnes – Vestsiden/Askøy 4-0

Her er dei andre kvalifiseringskampane i og rundt Bergen:
Bjarg – Sandviken (skulle vore spelt torsdag, resultat ikkje registrert)
Trott – Varegg (laurdag)
Austevoll – Sund (måndag)
Arna-Bjørnar – Ny-Krohnborg (måndag)

• Sjå terminliste og resultat frå kvalifiseringskampane på fotball.no.

Frå Hordaland er det på herresida desse sju laga som er direkte kvalifisert til første runde: Brann, Åsane, Nest-Sotra, Fana, Lysekloster, Fyllingsdalen og Sotra.

Os kvalifiserte seg til NM i fjor, men rauk Os ut for Nest-Sotra (1-4) i første runde.