Kven har den største?
Kjøpekraftig venegjeng eller barnsleg familiefar? Vi har leita etter det største effektbatteriet i Os.


Vesle nyttårsaftan og sjølve nyttårsaftan er vanlegvis dei dagane det går mest unna i salsbodane som sel fyrverkeri.
- Det var roleg i går, men no merkar vi at det nærmar seg, seier Erlend Vindenes hos Meny i Industrivegen.
Han viser fram giganten "Big Bang" frå Cosmos, eit effektbatteri med 112 skot til 1.999 kroner.
- Vi selte 2-3 slike i fjor. Som oftast er det unge venegjengar som spleisar på dei dyraste batteria, men det hender også at vaksne familiefedre slår til på skikkeleg store batteri, seier Vindenes.
Les òg:
Test av bakkefyrverkeri (oslopuls.no)
Same omsetnad etter forbod
Både hos Os Flis & Gulv og hos Metro var dei utselt for dei største batteria, så der måtte vi nøya oss med nest største versjon.
- Vi hadde eit til 1190 kroner, 1,2 kg krut og 40 kraftige skot, men det blei selt tidleg, seier Ernst Johannessen hos Flis og Gulv Os.
Han fortel at han har selt fyrverkeri på Os i 10 år. Forbodet mot pinnerakkettar for to år sidan har ikkje hatt negativ verknad på omsetnaden.
- Folk kjøper litt færre familiepakkar no når det ikkje er rakettar i dei, men bruka minst like mykje pengar på fyrverkeri. Effektbatteri har blitt veldig polpulært, seier Johannessen.
STØRST, TYNGST OG FLEST SKOT
Her er tørre fakta frå runden hos fem av fyrverkeriforhandlarane i Os, på jakt etter det kraftigaste effektbatteriet:
MENY
Namn på batteri: "Giant Big Bang"
Skot: 112
Krut: 1 kilo
Pris: 1.999 kroner
FLIS OG GULV OS
Namn på batteri: "Challanger"
Skot: 66
Krut: 1 kilo
Pris: 960 kroner
METRO
Namn på batteri: "Festival"
Skot: 36
Krut: 1 kilo
Pris: 1.399 kroner
COSMOS - OS TORG
Namn på batteri: "Giant Big Bang"
Skot: 112
Krut: 1 kilo
Pris: 1.999 kroner
MX SPORT
Namn på batteri: "Double X"
Skot: 2 x 76 (152)
Krut: 2 kilo
Pris: 1.798 kroner
"Double X" er det største effektbatteriet vi fann, med dobbelt så mykje krut som konkurrentane og flest skot å by på. Prisen var heller ikkje den høgaste.
Det høyrer med til historia at vi ikkje har vore innom alle som sel fyrverkeri i Os. Europris skal ha det billigaste av dei store batteria, "Grand finale" med 1 kg krut og 36 skot kostar 899 kroner.