Kven kan segla ...

Tysdag var årets første Korsfjord-trim, torsdag var det tid for den årlege Sparebanken Vest Huftarøy Rundt.

Svein Skoglund frå Os Seilforening har sendt oss rapport frå regattaene, som begge starta med lite vind.

Sparebanken Vest Huftarøy Rundt
Kristi himmelfartsdag har vore fast dag for Os Seilforening sin regatta, Sparebanken Vest Huftarøy Rundt, i over 20 år.
Som ofte var det lite vind i starten, men med håp om at den kom utover dagen.

Med 35 påmeldte båtar blei det delt opp i to startar. Det var sett opp 6 klasser: Tur – Lys u/spinnaker – Lys Dublehanded – Lys t.o.m 1.20 – Lys f.o.m. 1.21 og Flerskrog.

I strålende sol starta båtane ferda sørover Bjørnefjorden. Dei fleste fekk opp spinnakarane, med forskjellig hell i å fanga vinden. Etter ca 20 min. segling byrja vinden å koma, og farten auka. Båtane spreidde seg på fjorden, nokre søkte vestover til Huftarøy-landet, nokre prøvde å følgja ”gamle” erfaringar og gjekk aust mot Reksteren.

Då båtane nærma seg Langenuen – Selbjørnsfjorden er det normalt eit stort vindhol som dei må prøva å unngå. Vanlegvis er det også mykje turbulent vind langs Huftarøy. Dei siste åra har det vore god butikk å segla rundt dette, tett i Reksteren, aust i fjorden, for å svinga vestover først i Selbjørnsfjorden. I år var det heilt motsett, vinden sto fint på Huftarøy-sida og var heilt borte ved Reksteren. Dei som følgte gamle erfaringar segla seg heilt vekk.

Feltet som gjekk vest skifta til genoa og kom seg fint opp til runding ”Kalstaboen” og kryss opp til brua ved Bekkjarvik. Vinden sto rett ned sundet og det blei ein del slag for å koma opp og under brua. Vel gjennom ”nålauget” under brua løya vinden noko, men etter passering av Grøningen fekk båtane stikk i skjøta og farten auka igjen.

Løpet gjekk vidare gjennom idylliske sund på vestsida av Huftarøy opp mot brua til Austevollshella. Kanskje litt vanskelege vindforhold for dei som ikkje har segla her før, men det er berre å vera på vakt, for vindhol og vind-kantringar.

Runding Lindholmen nord for Hufthammer og spinnakeren kom opp på nytt, ut gjennom sundene og over Korsfjorden til mål i Strøneosen igjen.

Dei raskaste båtane segla i 4 timar, 31 minutt og 2 sekund. Siste båt kom i mål etter 6 timar 27 minutt og 33 sekund. Alle båtane fullførte løpet og fekk ein fantastisk tur rundt Huftarøy.

Etter målgang var det inn til ”Kvernavika”, Os Seilforening si hamn, for god betasuppe og utdeling av premiar og vandrepokalar.

Her er dei tre beste i kvar klasse:
Sjå full resultatliste på www.os-seilforening.org

Turklasse
1 Siv (Arne Inge Kleiven, Os Seilforening)

LYS t.o.m 1,20
1 Xcape (Frode Rønning, Bergens Seilforening)
2 Ølle Bølle (Ole-Jørgen Michelsen, Askøy Seilforening)
3 Wavedancer (Bengt Åge Borge, Askøy Seilforening)

LYS U/Spinnaker
1 Adagio (Bjørn Ofte, Milde Båtlag)
2 NN (Inge Pettersen, Os Seilforening)
3 Flying Viking (Egil Bortne, Milde Båtlag)

LYS Doublehanded
1 Ki (Inge André Utåker/Frank Hansen, Askøy Seilforening)
2 Gleden (Finn Espeseth/Åse Espeseth, Askøy Seilforening)
3 Vito (Nina Rosenlund, Ran Seilforening)

LYS f.o.m 1,21
1 Flyfisk II (Thomas Johannesen, Austevoll Seilforening)
2 Silje (Roy Nilsen, Stord Seilforening)
3 Akvarius (Magnus Stangeland, Austevoll Seilforening)

Korsfjord trimmingsseglas
Tysdag 11. mai starta årets Korsfjord-trim, som Milde Båtlag og Os Seilforening arrangerer saman, med deltakarar frå dei to båtlaga saman med Bergen og Hjellestad seilforeninger.

Serien er open for alle båtar og inngår også i HordaCup, som har totalt 19 seglas frå Stord til Nordhordland.
Start og mål er mellom Blia og Korsneset, løpea blir lagt herfrå etter vindretninger.

Konkurranse og arrangement er så bra at arrangørane også får besøk av båtar frå Nordhordland, Askøy og Ran.

28 båter er påmeldt til Korsfjord-trimmen, i følgjande klassar, Tur, til og med lys 1.15, Lys 1.16 til 1.24, 1.25 og over. I tillegg er det doublehand-klasse for dei som berre er to om bord.

Det var litt vind rett før start av minste klasse, men då startskotet gjekk forsvann vinden totalt. Nokre båtar kom ikkje ein gong fram til startlinja. Men vinden kom litt tilbake og skotet gjekk for største klasse. Så forsvann vinden igjen.

Ei stripe sørvest på fjorden antyda at det var litt vind på veg, og dermed hadde dei som var kome lengst vest trukke det lengste strået, og fekk vinden først. Båtane byrja å bevega seg oppover til første runding ved Horsøy. Vinden var litt av og på i starten, men etter runding blei den meir stabil, og båtane kom opp i over 6 knop med spinnaker til ny runding ved Blia. Det blei ny kryss opp til merket ved Horsøy igjen og spinnaker tilbake til mål.

I tur var det éin deltakar denne gong: ”Lipse” med Roald Skjoldal (Askøy)

Minste klasse opp til 1.15 ble vunnet av ”Mio” med Willy Berg Larsen (Nordhordland), som var eneste deltaker som kom i gang i denne klassen.

Klasse 1.16 – 1.24 ble vunne av ”Miramis” Erik Lie-Nilsen 1.23 (Milde), andreplass ”Brikten” Harald Ingebriktsen 1.16 (Os), 3. plass ”Piano” Sverre Holm 1.23 (Os).

Klasse 1.25 og over ble vunnet av ”Marlin” Hermod Opstvedt 1.29 (Os), andreplass ”Paprika” Per Høygaard Nielsen 1.30 (Bergens S.), tredjeplass ”Madcap” Birger Bjerke 1.34 (Milde)

I douublehand deltok kun ”Vito” Nina Rosenlund 1.15 (Ran)

Sjå full resultatliste på www.os-seilforening.org