Kvinne i risikogruppa testa positivt for korona
Første konstaterte smitta i Bjørnafjorden på fem dagar.
Bjørnafjorden kommune melder i dag at ei kvinne i kommunen er konstatert smitta av koronaviruset (covid 19).
Vedkomande er i 40-åra. Ho blei testa fordi ho tilhøyrer ei risikogruppe, men er ikkje alvorleg sjuk.
– Smittevegen er ukjent, men ho har gitt oss god oversikt over bevegelsesmønsteret sitt, og personane ho og familien har vore i kontakt med er varsla, seier smittevernlege i Bjørnafjorden kommune, Bjørn Petter Johannesen.
Etter retningslinjer frå nasjonale helsemyndigheiter er det ikkje alle som no blir testa, sjølv om dei har symptom. Berre personar i risikogrupper eller utvalte yrker får testa seg.
4 i kommunen - 1786 på landsbasis
Det er no fire personar i Bjørnafjorden kommune som har testa positivt for koronaviruset. Dei tre andre er menn, éin av dei i 30-åra, dei to andre i 40-åra.
Førre stadfesta smitte var 14. mars.
Ifølgje VG sin oversikt er det i skrivande stund 1.786 konstaterte smitta i Noreg. 104 av desse er innlagt på sjukehus, 7 er døde.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.