Kvinne med to i promille

I 5-tida natt til sundag fekk politiet melding om svært vinglete kjøring på Halhjemsvegen. Bilen svingte av mot Skeie og politiet rykte ut for å stoppa bilen.

- Vi fekk stoppa bilen på Skeisflaten. Bak rattet sat ei kvinne i 30-åra, og det var tydeleg at ho var full, seier politiførstebetjent Audun Hadler-Olsen.

Det viste seg at føraren hadde nærmare 2 i promille. Dermed blir ho både politimeldt og utan førarkort nokre år.