Kvinne ramla i sjøen

I ti-tida laurdag heldt politiet i Os promillekontroll på Strønevegen.

– Vi kontrollerte 38 personar den tida vi stod der og det blei ingen reaskjonar, fortel vakthavande politibetjent på Os lensmannskontor.

Når klokka var 12.30 kom det inn ei melding om ein mann som gjekk på Halhjemsvegen, ved rundkøyringa der ein kan køyre mot Halhjem eller Ulven.

– Det var forsåvidt ingen faresituasjon, men vi reiste opp for å sjå etter mannen.

Då politiet kom fram var mannen vekke.

Ramla i sjøen

På ettermiddagen fekk politiet melding om ein rusa mann i minneparken i Os.

– Mannen var godt rusa og vi valte å køyra han heim så han fekk sova av seg rusen.

Rundt klokka halv åtte kom det inn melding om at ei kvinne hadde ramla i sjøen ved Os kai i sentrum.

– Kvinna, som var godt rusa, hadde falt mellom kaien og båten.

Andre personar som var med i båten hadde hoppa uti for å hjelpa kvinna før brannvesenet kom og fekk dei trygt opp på land.