Kvinne smitta - barnehage stengt

35 ungar og 15 tilsette i karantene.

Koronaviruset. (Foto: FHI)
Kjetil Vasby Bruarøy
Kjetil Vasby Bruarøymandag 01. mars 2021 14:36

Ei kvinne i 30-åra, tilsett i Flåten Naturbarnehage, har fått påvist covid-19. Alle barn og tilsette i barnehagen er definert som nærkontaktar, og difor satt i karantene.

Dette gjeld 35 barn og 15 vaksne, opplyser Bjørnafjorden kommune.

Barnehagen er stengt til over neste helg. Barn og vaksne er oppmoda om å testa seg i løpet av dagen.

Personar i same husstand er sett i såkalla ventekarantene fram til resultatet av testane foreligg. Ved negativ test kan dei andre husstandsmedlemmene gå ut av ventekarantenen, men nærkontaktane sjølve må vere i karantene til og med 8. mars.

– Den positive prøven er sendt til sekvensering for å avklara om det er ein mutert variant av Covid-19. Inntil dette er avklart opptrer vi som om det er ein mutert variant, fortel assisterande kommuneoverlege Jonas Nordvik Dale.

Smittevegen er ukjend. Føresette til barnhagebarna har i løpet av dagen blitt oppringt for rettleiing og informasjon frå helsepersonell i Bjørnafjorden kommune.

Eitt nytt tilfelle på Nore Neset

Det skal òg vera registrert eitt nytt tilfelle i samband med utbrotet på Nore Neset ungdomsskule.

Det er 68 elevar og 9 tilsette i karantene til onsdag.

OPPDATERT: Den nye smitta er ein mann i 50-åra. Han er ikkje tilsett ved skulen, men nærkontakt med husttanden som har smitte.

Datoane for dei smitta i Bjørnafjorden til no

Til no i 2021: 28
Totalt smitta: 131
1. mars: Kvinne i 30-åra, tilsett i barnehage.
1. mars: Mann i 50-åra. Nærkontak med smitta elev ved NN uskule.
26. februar: Elev på 9. trinn ved Nore Neset uskule.
25. februar: Ungdom i slutten av tenåra, elev ved skule i Bergen.
25. februar: Kvinne i 40-åra frå same husstand som eleven frå Nore Neset.
25. februar: Elev på 9. trinn ved Nore Neset ungdomsskule. 77 i karantene.
24. februar: Kvinne i 20-åra, truleg smitta i ein nabokommune.
23. februar: Mann i 40-åra, testa i samband med innreise til Noreg.
23. februar: Mann i 20-åra, testa i samband med innreise til Noreg.
8. februar: Jente som er elev ved Os vgs. Smitta av kontakt i Bergen.
8. februar: Kvinne i 20-åra. Smitteveg ukjent.
12. januar. Mann i 40-åra, smitta av nærkontakt mens han var i karantene.
8. januar: Par i 20-åra og son på 4 år. Testa i samband med innreise.
5. januar: Kvinne i 30-åra. Testa i samband med innreise til Noreg.
5. januar: Mann i 30-åra. Testa i samband med innreise til Noreg.
5. januar: Mann i 50-åra. Testa i samband med innreise til Noreg.
4. januar: Åtte nye smitta, frå 5 år til i 60-åra. Høgaste tal på éin dag til no.
3. januar: Kvinne i 30-åra og hennar 1 år gamle born. Smitta av nærkontakt.

2020 haust (10. august til 31. desember): 89 smittetilfelle
2020 vår (11. mars til 14. april): 15 smittetilfelle

Totalt i 2020: 104 Sjå liste over alle

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.