Kvinne tatt for urinering i sentrum

Klokka 03.47 natt til laurdag, ein liten time etter at siste skjenkestad hadde stengt kranane, blei ei kvinne tatt for urinering på offentleg stad.

– Ein patrulje som var på plass i samband med at dørene stengte, oppdaga kvinna nær politibilen, fortel politioverbetjent Anne Lyssand.

Kvinna, som er i 40-åra, vedtok forelegget.

Lyssand har ikkje eksakt prislapp, men etter det Midtsiden kjenner til, følgjer Os kommune takstane til Bergen, som er 4000 kroner for urinering på offentleg stad.