Lokal | 12. okt. 2019

Kvinneleg vakt frå Os fekk bank i Bergen

Var på jobb og skulle stoppa slåstkamp.

Kvinneleg vakt frå Os fekk bank i Bergen
Bergen tinghus. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 12. okt. 2019 09:39

Tysdag blei det avsagt dom i ei sak mot ein mann i slutten av 20-åra frå Askøy.

Han hadde blitt kasta ut av ein utestad i Bergen fordi han blei vurdert som for full, men kom seg inn igjen og hamna i slåstkamp på dansegolvet.

Han var tiltalt for å skubba og slå ein vakt som skulle skilja slåstkampen. Vakten er ei kvinne frå Os som bur og jobbar i Bergen.

Sjukmeldt i over ein månad

Episoden skjedde i oktober i fjor. Fornærma forklarte i retten at ho ville hjelpa ein bartendar med å skilja dei to som slåst, men at ho blei slått eller skubba hardt i magen, og ramla bakover og slo ryggen i ei hylle på veggen.

Då ho fekk blikkontakt med tiltalte, som ho hadde kasta ut tidlegare på kvelden, slo han ho i ansiktet med knytta hand. Slaget trefte midt på nasa, så ho fekk hovudet slengt bakover og inn i ein vegg.

Ho hadde smerter i nase og nakke og blåmerke på ryggen etter valdsepisoden, og var sjukmeldt til starten på desember, først 100 % så 50 %.

– Fekk blackout

Tiltalte møtte i retten og sa seg ikkje skyldig. Han forklarte at han hadde klådd på ei dame på dansegolvet då ein som viste seg å vera kjærasten hennar dukka opp og tok tak i han. Så hugsar han ikkje meir før han blei tatt ut av utestaden av vaktar.

Retten tok imot forklaring frå fleire vitne, blant desse to bartendarar, i tillegg til journal frå lege som skildra skadene. Vitna støtta fornærma si forklaring.

Må betala 30.000 i oppreising

Fornærma har forklart om vedvarande smerter i nakke og skuldre, noko som har påverka praktisering av ein annan jobb ho har, som hudpleiar.

«Retten finner det videre hevet over enhver rimelig tvil at tiltalte, vurdert som edru, burde ha forstått at voldsutøvelsen mot fornærmede ville få en slik skadefølge. Slag mot hodet er svært alvorlig, og kan få svært alvorlige konsekvenser. Etter rettens vurdering er det kun tilfeldigheter som avgjør skadefølgen» skriv Nordhordland tingrett.

Tiltalte blei dømt til 60 dagar fengsel og til å betala 1.395 kroner i erstatning (fysioterapitimar) og 30.000 kroner i oppreisingserstatning. Han må òg betala 6000 kroner i sakskostnadar.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.