Næringsliv | 19. apr. 2011

Kvit påske

Fryktar du at polturen rauk om du ikkje rakk innom i dag? Du får ein ny sjanse onsdag, og påsken ser ut til å bli kvit.

Kvit påske
Andris Hamretirsdag 19. apr. 2011 17:20

Lever du i same tru som redaksjonsmedlemmar i Midtsiden, nemleg at vinmonopolet held stengt dagen før heilagdagar, kan du ta det med ro.

- Det blei det slutt med før eg byrja på polet, fortel nyesjefen Therese Håvik, som har 12 års fartstid hos det statlege vinmonopolet.

- Men de er ikkje dei eineste som lev i den villfaringa, trøystar ho.

Før nesten kvar høgtid kjem det kundar som trur det same.

Tok over etter Einar

Einar Øvreberg, som har vore polsjef på Os sidan starten i september 1999, takka av i slutten av januar. Frå 1. februar er det søftelandsdama Therese Håvik som styrer butikken i Hamnevegen.

Heilt ukjent i butikken var ho riktig nok ikkje då ho tok over leiarstillinga.

- Eg var her som ekspeditør dei fire første åra, fortel ho.

- Etter det har eg hatt ein periode som nestleiar på Vestkanten, og no sist som butikksjef på Nesttun før eg kom heim.

Spår ei kvit påske

Når vi spør om kva kundane handlar før påsken set inn for alvor slår polsjefen fast at det nok blir ein kvit påske i Os i år.

- Påsken er sein og vêrutsiktane gode, så det er dei typiske sommarvinane det går i.

- Etterspurnaden er størst etter dei kvite vinane, i tillegg til rosévin. Det nærmar seg varmare tider.

Stengt påskeaftan

Om du ikkje rakk din personlege polekspedisjon tysdag får du ein ny sjanse onsdag. Men ver obs, polen er berre laurdagsope og stenger tidlegare.

Heilt vekke ser ikkje den gamle regelen ut til å vera.

- Påskeaftan er det stengt, så då kan det bli bomtur, avsluttar polsjefen.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.