Lagde kø på 5 kilometer
– Han sykla midt i vegen, skulle tru det var ein demonstrasjon, fortel vitne.
Fredag i 15-16-tida er trafikken frå Bergen til Os ofte stor. Då hjelper det ikkje med ein syklist i front, sånn det var i dag.
– Eg snakka med ein kollega som kjørte motsett veg. Han møtte syklisten midt i vegen på Røykenes. Køen bak gjekk heilt til Sandven ved starten på Vallaheiane, fortel ein innringar til Midtsiden.
– Det var ikkje akkurat ein proff heller, det gjekk rimeleg seint. Og no, 10 minutt etter at politiet rykte ut, er det framleis kø på Søfteland. Denne syklisten har lagd etterdønningar i fredagstrafikken.
– Utanlandsk turist
Politiet i Os fortel at dei rykte ut og fekk ein prat med syklisten.
– Han blei vist vekk frå vegen og fekk klar melding om å halda seg på gang- og sykkelveg.
– Det var ein utanlandsk turist og han sykla veldig seint, fortel politibetjent Christine Grindstein.