Sport | 28. sep. 2018

Lager «idrettsmesse» på opningsdagen

Dato for offisiell opning av ny dobbelhall på Kuventræ er bestemt. Programmet skal inkludera svært mange!

Lager «idrettsmesse» på opningsdagen
Dobbelhallen skal fyllast med idrett på opningsdagen, søndag 11. november. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 28. sep. 2018 12:38

Den nye dobbelhallen på Kuventræ sto, som bestilt, klar til skulestart.

• Sjå bildeserie av innsida av den nye hallen

Offisiell opning er ikkje gjennomført, men no er det både bestemt dato, og at denne skal innehalda meir enn litt kake og eit møte med handverkarane.

– Datoen er 11/11, klokkesletter er naturlegvis 11.11, seier dagleg leiar i Os Idrettspark KF og Osbadet, Torbjørg Brattabø.

Til dei som eventuelt er hekta på tal nemner ho lattermildt at tverrsummen av årstalet (2+0+1+8) også er 11, før ho går vidare til innhald.

– Vi er i startgropa på planlegginga, første møte var i går, så det er frå no og utover at programmet skal formast.

– Men det som er bestemt er at vi ønskjer å fylla hallane med idrett gjennom heile dagen.

– Det skal gå invitasjon ut til flest mogleg, også dei som ikkje har treningstid i hallen. Vi ønskjer at idretten i Os skal få presentere seg, både med stand, men gjerne også med ein demonstrasjon eller ei oppvising.

– Korleis er aktiviteten og belegget i dei tre hallane?

– Vi har noko ledig tid fredag ettermiddag, og litt på dagtid. Men i tillegg til Kuventræ barneskule, Os vgs og Os ungdomsskule, har fleire skular tatt kontakt. Aktivitetesnivået er med andre ord høgt gjennom heile dagen, fortel Brattabø.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.