- 18. mars 2021

Lastebil kjempa mot sinke

Politiet stoppa begge.

Lastebil kjempa mot sinke
(Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 18. mars 2021 08:48

Torsdag morgon hamna ein politipatrulje bak ein lastebil på E39 på Mobergsbrua.

– Lastebilen skal ha prøvd å koma seg forbi ein personbil som låg framfor, og køyrde seint, fortel politioverbetjent Anne Lyssand.

Det blei inga forbikøyring, men turen vidare gjekk med det politiet meiner er kort avstand mellom personbil og lastebil. Og personbilen heldt låg fart vidare.

– Patruljen følgde tragikantane til kontrollfeltet i Hjellemarka på Søfteland. Der fekk dei stoppa begge.

Det blei ingen reaksjonar, men begge sjåførane fekk tilsnakk.

– Det er ikkje bra å køyra for seint, eller å ikkje sleppa forbi, men det er heller ikkje rett å køyra for tett, seier Lyssand.

Funn av sykkel

I 15-tida onsdag fekk politiet melding om funn av sykkel i Kuvenbakken.

– Om nokon saknar ein kvit DBS så kan dei kontakta oss.

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • For heile familien (6 pers)
  • Utan bindingstid
  • Berre 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.