Vêr og tauverk summerer natta for politiet og brannvesenet i Os. (Ill. foto: KVB)

Laus presenning og tau i propellen

Politi og brannvesen har vore ute to gongar i natt.

Av: Kjetil Osablod Grønvigh

Klokka 23.30 kom det inn melding om ein stor presenning i rehabliteringsprosjektet i Handlegården som flagra i den kraftige vinden. 

Politioverbetjent Rune Fimreite fortel at politi og brannvesen rykka ut til staden for å vurdera farepotensialet.

Huseigar vart vidare varsla for å syta for ei eventuell utbedring. 

Klokka 00.30 måtte brannvesenet rykka ut til ein båt som hadde fått tau i propellen i området Bjørnen. 

Fimreite fortel at båtførar hadde kasta ut dregg, men sleit med å få skikkeleg feste.

Brannvesenet, som sjølv rykka ut med båt, tok havaristen med seg i slep til Halhjem.

Fleire saker