Sport | 14. mars 2018

Leia 5-0 til pause

– Dette var viktig øving for oss, synest Ruben Hetlevik.

Leia 5-0 til pause
Ruben Hetlevik. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 14. mars 2018 07:54

Tysdag spelte Lysekloster treningskamp mot Sund, Lysekloster sin første treningskamp på heimebane denne vinteren.

Sund, som kom på 3. plass i 4. divisjon i fjor, fekk det tøft.

André Matos, som kom frå Øystese til Lysekloster i vinter, gav Lysekloster leiinga i 7. minutt og auka seinare til 4-0. Storskåraren frå Årdal, Truls Hovland, la på til 2-0 og 3-0. Toppskåraren frå i fjor, Kristoffer Østervold, fekk nettkjenninga han hadde håpa på, han sette inn 5-0 etter tidlegare i omgangen å ha brent straffe.

– Østervold hadde tre assist og ei skåring, så han får godkjent, seier Lysekloster-trenar Ruben Hetlevik, som fekk 7-0-siger i bursdagsgåve.

Martin Pedersen kom innpå frå starten på 2. omgang og skåra dei to siste.

Lysekloster - Sund 7-0 (5-0)
Lysekloster: Kjetil Hansen, Thorvald Trætteberg, Denis Ljubovic, Mats Walberg, André Matos, Eirik Rode, Hassan Rahmani, Stian Dyngeland, Rune Mo, Kristoffer Østervold, Truls Hovland.
Innbytarar (alle med speletid): Magnus Eidsvåg, Erlend Opheim Instebø, Marcus Sannes, Martin Pedersen, Lars Hadler-Olsen, Eirik Spangelo Haga, Sigve Rørstad.

Lokalt keepertalent debuterte

Alle innbytarane fekk speletid, også keepertalentet Magnus Eidsvåg, som fylte 15 år i februar.

– Han er spesielt god på igangsetjing av spelet. No fekk han ikkje vist det så mykje sånn kampen blei i går, men han redda det eine skotet Sund hadde i 2. omgang og han var fint ute og sveepa. Eidsvåg gjorde ein stødig debut.

Godt startskot

Hetlevik synest kampen gav god og viktig øving.

– Det var viktig for oss å få eit tydeleg bilde på korleis vi jobbar mot etablert forsvar. Det blei mange sjansar, straffemiss, rundt fem stolpeskot og sju skåringar.

– Sjølv om ikkje Sund held same tempo som dei beste laga vi skal møta i serien så fekk vi eit godt startskot på arbeidet med offensiv struktur.

Lysekloster møter Vard Haugesund borte på laurdag. Seinare skal dei spela mot komande seriemotstandarar, Stord og Tertnes (ikkje Fri, slik vi skreiv i går. Fri=frihelg).

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.