Leiter etter mann med raud eller rosa bukse

Tysdag kveld fekk politiet melding om tjuveri frå ein garderobe på treningssenteret Sprek og Blid i Holtbrekka.

– Ein mann hadde gått inn i ein garderobe og tatt ein bag som høyrer til ein av dei som var og trente på senteret, fortel politioverbetjent Audun Hadler-Olsen.

Mistenkte er fanga på overvakingskamera, og er ukjent for dei som jobbar der.

Politiet skildrar mistenkte på denne måten: Mann med mørkt hår ikledd svart jakke, raud eller rosa bukse og svarte joggesko med kvit sole.

Politiet synest det er vanskeleg å seia noko om alder, men vedkomande ser ut til å vera ein ung vaksen.

Veit du kven vedkomande er?

Tjuveriet skjedde rundt klokka 18.35. Politiet fekk melding først nokre timar etter tjuveriet, men har patruljert i Os og gjort visse undersøkingar.

– Førebels har vi få andre spor enn det som er av overvakingsbilde, seier Hadler-Olsen.

Politiet ber publikum om tips.

Veit du kven som gjekk med raud eller rosa bukse i går, og som elles passar skildringa over, når du politiet på 56303900.