Lekkasje i Buggegården
Laurdag i 14-tida rykte brannvesenet ut på melding om vasslekkasje i Brugata.
- Eit rør hadde sprunge lekk ut i 2. etasje og vatnet hadde rent ned i 1. etasje, fortel brannsjef Stein Gjøsund.
Lekkasjen har pågått ei tid så det var fleire tusen liter med vatn i bygningen då brannvesenet byrja å lensa med pumper og vassugarar.
- Huseigar er varsla of forsikringsselskap og skadesaneringsfirma overtok då akuttfasen var over.
Det er BB Eiendom Invest I, styrt av Bergen Eiendomsrådgivning, som eig bygningen. Fondet eig også nabobygningane, som blant anna DnB NOR og GH Interiør leiger i, og Oshjørnet.