– Lenge siden eg har vore så nøgd

Erik Tysse har hatt ein trøblete sesong med infiserte sår og treningsavbrekk etter eit fall i Kina i mai.

– Oppkøyringa og oppladninga til EM blei prega av uhell og problemer.

– Difor mangla eg både mengdetrening og fartstrening før dagens 20 kilometer.

– Stephan (Plätzer, Erik sin trener, journ.mrk) prøvde å førebu meg på at det kom til å bli eit løp kor eg måtte kjempa med kroppen og mi eiga psyke.

– Og slik blei det, det blei ein kamp mot kroppen, fortel Erik Tysse på telefon frå Zürich.

– Ta igjen spanjolen!

Tysse fortel at han etter 8-10 kilometer merka at det kom til å bli ein knallhard kamp inn mot mål.

– Stephan gav meg heile tida oppgåver å jobba med.

– Med tre kilometer igjen fekk eg beskjed om at han spanjolen som låg foran meg skulle eg ta att.

– Ein kilometer seinara låg eg 14-15 sekunder bak han. Då tenkte eg først at ein 10. plass er jo bra, men så sa eg til med sjølv at eg ville ha ein plass med berre eit tal.

– 300 meter før mål nådde eg att spanjolen og då var det berre å gå alt eg makta, smiler Tysse.

Målsettinga før 20 kilometeren var ei topp 12-plassering, ei topp 8-plassering om han hadde ein særs god dag.

Gir motivasjon

9. plassen er difor Tysse særs nøgd med.

– Det er lenge sidan eg har vore så nøgd med plasseringa som eg var då eg kryssa målstreken i dag.

– Dette gjev ein veldig motivasjon.

Bestemmer seg i kveld

Erik Tysse er òg kvalifisert til 50 kilometeren på fredag. Om han går den har han enno ikkje bestemt seg for.

– No er eg nett kome ut av dusjen.

– No skal eg ned og få meg ein matbit og behandling, så får vi sjå kva kroppen seier utover kvelden.

– Den endelege fristen for å melde seg på er i morgon klokka ni, så vi tek ei avgjersle i løpet av kvelden, avsluttar Erik Tysse.