Lengst i Noreg

Etter å ha persa med 10,05 meter i første hoppet, slo Os-jenta til med 10,70 i andre hoppet og dermed lengste i Noreg i hennar årsklasse.

- Eg hadde veldig lyst på gull i konkurransa, seier Målfrid Pettersen Lunde.

- Etter å ha sett ny personleg rekord i første hoppet høyrde eg at ei anna jente hadde hoppa 10,18.

Hoppande glad
Med lyst på gull, og forma inne, bestemte ungjenta seg for å klinke til.

- Eg bestemte meg for å smelle til det eg kunne i andre hoppet, fortel Pettersen Lunde.

- Eg blei veldig glad då hoppet blei perfekt og heile 10,70 meter, seier ungjenta som igjen persa.

Tok gull på stafetten
Målfrid er ein allsidig friidrettsutøvar og deltok på 200 meter, 200 meter hekk, 600 meter i tillegg til tresteg som individuelle øvingar.

Ho var også med på vinnarlaget til Hordaland i Tinestafetten (8 x 200 meter) og på sølvlaget på Donald-stafetten (10 x 80 meter på gras).

NCC-lekane er ei regional kretskonkurranse kor Hordaland konkurrerar mot Rogaland, Agder og Sogn og Fjordane.

Målfrid og dei andre utøvarane på kretslaget til Hordaland gjorde det skarpast i konkurransa og vann samanlagt.

Fleire gode
Friidrettsgruppa til Os Turn har fleire utøvarar med høg klasse.

Sist helg deltok Mons Martin Borgen i Ungdomsmeisterskapet (tilsvarande NM) i Molde.

Mons Martin var med å kjempa om sølvet i høgde, men eit hårfint riv på 1,81 meter gjorde at det blei 6. plass

- Eg gambla litt i konkurransen, fortel ungguten med 1,80 som personleg bestenotering frå Stordleikane for tre veker sidan.

- Eg kom over 1,75 i tredje forsøk og bestemte meg for å så over 1,78 for å satsa alt på 1,81.

- Vi var fem gutar igjen på den høgda og berre to som klarte det, men fordi at dei andre som reiv hadde kome over 1,78 eller 1,75 på færre forsøk enn meg så blei det 6. plass denne gongen, fortel Borgen.

- Eg satsar på revansje i Bergensleikane no til helga. Då møter eg igjen han som tok bronse i UM, avsluttar Mons Martin Borgen.