Lite stemte for Os

Handballdamene til Os tok imot Fyllingen heime i Oshallen tysdag kveld. Det blei ein liten nedtur etter forrige kamp kor dei slo Stord med eitt mål.

Osdamene mangla flyt i angrep og mista ballen for lett, noko som gjorde at Fyllingen enkelt kunne komma fire fem mål foran etter raske kontringar.

Os - Fyllingen 23-27 (12-15)
Utv: Os ingen, Fyllingen 4 x 2 min
Os sitt lag: Malene Sund, Madeleine Hjertnes 2, Gry Merete Nummedal, Emilie Halhjem 3, Hilde Kristine Røttingen 1, Liv Pauline Lunde 3, Line Hjelle Berentsen 1, Tiril Grønvigh, Elise Hjelle 3, Irmelin Lund, Thiet Dang 1, Marie Henriksen Håland 2, Regine Sten, Nora Berge 3, Emma Sælen Lyssand 2, Mia Torp Nielsen 2

Sjå tabell

– I dag er vi ikkje på. Vi får ikkje forsvaret til å sitta og vi får for lite redningar av keeperane. Vi får rett og slett ikkje flyten, oppsummerar trenar Trond Førde Eriksen.

– I angrep byrjer vi bra, men sluver i siste pansingen og lar oss stresse av Fyllingenforsvaret. Vi får ikkje rett avstand til forsvaret og har dårleg trykk i satsingane. Fyllingen er eit bra lag, og i dag vinn dei fullt fortent.