Sport | 27. mars 2011

Løp over Stord

Osdamene reiste til Stord med ein tynn stall, men gode haldningar og innstilling holdt i massevis.

Løp over Stord
Andris Hamresundag 27. mars 2011 21:32

Os mangla både Elise Hjelle og Maria Stangeland Lunde i sundagens kamp mot Stord i tillegg til hovudtrenar Kenneth Husebø.

- Eg brukte det litt bevisst i høve til jentene før kampen. No kunne dei vise kva som bur i dei, fortel assistenttrenar Erlend Lyssand.

- Jentene viste ei fantastisk haldning og innstilling til kampen og då er vi så gode at vi kan slå Stord med 8 mål.

Lyssand har møtt Stord i tre år som ein del av trenarteamet til Os. Dette var første gongen han fikk gleda av å slå dei.

- Det var jammen på tide, smilar Lyssand.

Langdryg oppvarming

Dei to laga fekk ikkje helt den innleiinga til kampen dei hadde rekna med.

- Vi førebudde oss som vanlig og var klare til kampstart på oppsatt tidspunkt, men det var ikkje domarane, forklarar Lyssand.

- Dei var blitt forsenka. Først fekk vi beskjed om at kampen var utsatt 15 min, så 15 minutt til. Først etter 45 minutt kom kampen igang.

- Det blei ei utfordring å halde det gåande i trekvarter før kampen kom i gang, men jentene løyste utfordringa på ein strålande måte, skryt Lyssand.

Kanonforsvar gav kontringar

Lyssand ba jentene sine om å jobba i eit knallhardt 6-0 forsvar.

- Dei løyste oppgåva perfekt, i tillegg sto Vibeke Ingebrigtsen som ein levande mur bakerst, fortel Lyssand.

Leda av kaptein Emilie Hjertnes sto Osforsvaret som ein mur, noko som gav ein masse kontringsmoglegheitar.

- Vi løper rett og slett over Stord i dag, seier Lyssand.

- Riktignok gjer vi ein del feil i kontringane, men vi visste at vi berre trengte å halde trøkket oppe, så ville vi ta Stord på kondisen.

Osdamene trøkkar til og dreg i land ein 8-måls siger 32-24.

Stord-Os 24-32 (10-13)

Os sitt lag: Irene Tangerås 7, Madeleine Hjertnes 10, Tonje Hjertnes 2, Hilde Kristine Røttingen 2, Line Borsholm 6, Emilie Hjertnes 5, Kaia Randa Bertelsen, Line Hjelle Berentsen, Vibeke Ingebrigtsen, Susann Rosvold.

Osdamene sikra med sigeren over Stord tredjeplassen på tabellen.

SJÅ TABELL

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.