Lunde putta

A-spelarar som har vore lite på banen i dei to første treningskampane var saman med Os 2 på Kuventræ for å spela treningskamp mot Smørås onsdag kveld. Smørås spelar i den andre 3. divisjonspulja i Hordaland når serien startar.

- Det var skuffande med tap, for eg meiner vi var best. Christer Olsen, Sven Lyssand og Erik Kanestrøm brente sikkert 7-8 sjansar i går, fortel hovudtrenar Frank Hellevik.

Gjestane tok leiinga ved å heada inn eit hjørnespark rundt 20 minutt ut i kampen. Ti minutt seinare var det Os sin tur.

- Christian Almeland skaut i tverrliggar, Christer Olsen fekk ein fot på returen, som også gjekk i tverrliggar. Men så heada Olsen inn sin eigen retur og vi fekk utlikna.

Like før pause spelte Aleksander Linkvist seg fint fram på høgre kant og la inn. Stian Lunde sette den kontrollert i mål frå 16 meter.

- Etter at vi hadde brent ein haug med sjansar gjorde vi ein feil i forsvaret. Vi mista ballen på 16-meteren og Smørås utlikna.

Anders Strønen redda eit straffespark like før slutt, men gav retur. Eit langskot frå 30 meter var godt nok til at Smørås vann treningskampen.

- Vi gjorde mykje bra i går, men eg sakna noko. Intensiteten var ikkje like bra som i dei to førre kampane. Eg trur dei unge spelarane, som er veldig gode, treng nokre fleire rutinerte med seg for å halda trykket oppe, seier Hellevik.

Desse spelte frå start i går (4-3-3):

Anders Solberg Strønen, Morten Røttingen (h.b.), Vegard Borgen, Per Merai, Vegard Engelsen Moberg (v.b.), Erik Kanestrøm, Vegard Leikvoll Moberg, Stian Lunde, Aleksander Lindkvist, Christian Almeland og Christer Olsen.

I tillegg fekk desse koma innpå: Sindre Leikvoll Moberg, Sven Lyssand, Mats Lepsøy, Benjamin Holme, Mons, Sondre Samdal.

Neste treningskamp er også på heimebane, sundag klokka 18.00 mot Arna-Bjørnar. Truleg blir også kampen mot Fyllingen onsdag neste veke spelt på heimebane.